US Agency for Global Media
News and Information from Around the World
Select a language and narrator voice before playback.
Select a language for this clip.
Emced Kurdo ji Rojava agahî û pêzanînên derbarê kombûna roja Sêşemê dide, ku li Koşka Gel li Şamê di navbera Serokê Demkî yê Sûriyê Ehmed Şeri' û Fermandarê HSDê Mezlûm Ebdî de pêkhatbû.
Hevkarîya di navbera efserên polîs û civakên Amerîkî de di şevekê de tê pîrozkirin ku bi navê Şevderîya Niştimanî tê naskirin. Di vê şevê de gelek bername û çalakî têne lidarxistin. Raporta Bîta Meşayixî agahîyên bêhtir hene.
Ji ber êrîşên Îranê yên li ser Herêma Kurdistanê bi sedan donim erd şewitî û jîngeh wêran bûye. Her çend gelek ji van deveran dûrî niştecihan in û ew kampên partiyan in, jîngehparêz hişyarîyê didin ku ev yek dê di siberojê de bandoreke neyînî li ser herêmê bike.
Li gorî berpirsên Amerîkî, rêkeftinek bi Îranê re li ser Tengava Hormuzê nêzîk e û dibe di demek nêzîk de were ragihandin, lê ew hîn nehatiye dawîkirin. Ev yek jî hêvîyên kêmbûna alozîyan û vegerandina trafîka deryayî ya normal li herêmê bilind dike.
Ji ber nebûna navendekê ji bo zarokên bi Sendroma Down li Helebçeyê, dê û bav neçar mane ku zarokên xwe ji dibistanê derxînin. Ji bo çareserkirina vê valahîyê, mamosteyek Helebçeyê ku zarokek wê bi Sendroma Down heye, korseke havînê li mala xwe vekiriye.
Li bakur rojhilatê Sûrîyê, ku yek ji navendên hilberîna petrolê yên herî girîng ên welêt e, berpirsên Sûrî û rêvebirên kompanîyeke Amerîkî destpêkirina projeyekê ji bo nûjenkirin û pêşxistina zeviyên petrolê ragihand. Raporta Emced Kurdo bêhtir agahî hene.
Roja Sêşemê biyahên petrolê li bazarên cîhanî yên kirîn û firotinê li gorî roj û hefteyên berê 4% daket.
Li bajarê Bruksel, Kurdên Ewropayê çalakîyek taybet bo bîranîna 12an a jenosîda li dijî civaka Êzidî encam da. Jenosîda li herêma Şingalê li Kurdistana Îraqê sala 2013an bi destên çekdarên DAIŞê pêkaht bû, bi hezaran kes hatin kuştin, zarok, jin û keç hatbûn revandin.
Bazara Hefteyî ya berhemên Çandinîyê li Helebceyê, wekî destpêşxeriyek pêwîst, bo kirîn û firotina hemî berhemên cotkarên herêmê û bibe bazarek ji bo piştgîriya cotkaran.
Piştî ku ji ber şerê navxwe yê li Sûriyê bi sedan malbat li Serêkanîyê ji cih û warên xwe koçber bûbûn, pişt helmeta hilandin û paqijkirina herêmê ji mîn û teqemenîyan, malbat hêdî hêdî vedigerin ser gund û warên xwe.
Tê çaverêkirin ku roja Çarşemê danê sibê Qanûna Çarçoveyê si parlementoya Tirkîyê de were ragihandin. Eyyûp Demîr di vê raportê de agahîyên zêdetir dide
Li bajarê Mûsil ku di dema Daişê de bi temamî hatbû wêrankirin, niha xelk vedigerin ser kar û pîşeyên xwe yên berê. Dikaneke biçûk li navenda bajêr niha weke bazara herî mezin a firotina masîyan tê naskirin û qayîkên girtina masîyan jî li heman navendê tên çêkirin..
Serokwezîrê Îraqî Elî Falih El-Zeydî rastî astengîyên mezin tê ji bo ku bikare sozên derbarê bêçekirina grûpên çekdar yên alîgirên Îranê dayî bicî bîne. Di vê raportê de Çavdêrên Sisayî derbarê mijarê nêrînên xwe parve dikin.
Li Herêma Kurdistanê dest bi helmetekê hatîye kirin da ku berevanîyê ji wan keç û jinên ciwan bikin yên ku di civakê de rastî destavêtin û êrîşên zayîndeyî tên. Raporta Sînor Kerîm ji Silêmanîyê.
Eyyûp Demîr ahagî û pêzanînên zêdetir derbarê hevdîtina Şandeya Îmralîyê bi Ocelan serokê girtî yê PKKê û encamên wan civînan dide.
Heft lîstikvanên Kurd ên keç Qehremanîya Ciwanan a Rojavayê Asyayê ya 2026'an bi tîma niştimanî ya Sûrîyê re bi dest xist. Golparêza bajarê Qamişlo, Mîdya Hisên xelata golparêza herî baş a Qehremanîyê wergirt.
Li Almanyayê çalakîyek ji bo salvegera12’an a komkujîya Êzdîyan a Şingalê bi beşdarîya hejamrek kesayetî û parlemantarên wî welatî bi rêve çû. Raporta Şêrwan Îbrahîm zanyarîyên bêhtir hene.
Li bajarê Dersimê festîvala Munzurê ku armanca wê parastina xweza, av û ax û ziyaret û ziman û çanda devera Dersîmê ye hate lidarxistin. Jiber ku şaredarîya Dersimê bi destê qayûm tê birêvebirin, festîval du salan çênebû, lê îsal bi hevkarîya rêxistinên sivîl lidarket.
Diya şervana Kurd Çîçek Kobanî ku komên çekdar di sala 2019an de ew dîl girt, veguhest bo Tirkîyê, û dadgeheke Tirkîyê cezayê zindana hetahetayî da wê, daxwaza serbestberdana keça xwe dike. Parêzerekî Kobanîyê jî dibêje mafê Tirkîyê nebû ku wê dadgeh bike.
Kurdên Rojava serdana Serokê Herêma Kurdistana Îraqê Nêçîrvan Barzanî bo Sûrîyê bi erênî dinirxînin û dibêjin ku dê bandora wê li ser Kurdên Sûrîyê û aramîya deverê hebe. Raporta Îvan Hesîb bêhtir zanyarî hene.
