US Agency for Global Media
News and Information from Around the World
Select a language and narrator voice before playback.
Kompanîya Dana Gas dibêje wê peymanek bi Wezareta Elektrîkê ya Federal re îmze kiriye û Hikûmeta Herêma Kurdistanê di daxuyaniyekê de bersiva peymanê da û got ku ew dê tedbîrên qanûnî bigire. Peyamnêr Diyar Cemal zanyarîyan dide.
Erebistana Siûdî, Pakistan û Tirkîyê îro Înê li Mekayê peymana parastina hevbeş îmze kir. Ozlem Yasak pêzanînên bêhtir dide.
Peyamnêrê Dengê Amerîka yê Kongrêsê Merîwan Heme zanyarîyên dawî yên derbarê projeyasaya cezayên aborî yên dijî Rûsya û Îranê dide.
Bernivîsa qanûna çarçoveyî êdî niha li ber destê parlemana Tirkîyê ye. Gelo ji niha û bi şûn de dê çi gav di vê çarçoveyê de werin avêtin? Dr. Vahap Coşkun, mamosteyê qanûnê li Zanîngeha Dîcle li Amedê behsa vê mijarê dike.
Peyamnêrê Dengê Amerîka li Wezareta derve Soran Xatirî nûçeyên dawî yên girêdayî çalakîyên li wezareta derve radigihîne.
Payamnêrê Dengê Amerîka yê Koşka Sipî Hîwa Selam behsa bername û çalakîyên îro yên Koşka Sipî dike.
Asmangerên NASA’yê operasyonek li Rawestingeha esmanî ya Navnetewî birêve birin ku armanca wê ew e piştrastkirina belavkirina durist a eliktirîkê ji bo rawestingehê. Fatima Sindî vê raportê dixwîne.
Partîyên siyasî yên li Parlemana Tirkîyê, Pêşnivîsa Qanûna Çarçoveyî roja Çarşemê îmze kir. Ev qanûn şert û mercên girityên girêdayî doseya PKK’ê zelal dike. Raporta Xecîcan Farqîn bêhtir zanyarî li dor nerîna malbatên şervanên PKK’ê derbarê vê qanûnê hene.
Pirsgirêka derbiderîyê û hatina hejmareke mezin ji Ereban û bicihbûna wan li Herêma Kurdistanê, di nav welatîyan de bûye sedema nîgeranîyê. Zanîngeha Silêmaniyê li ser vê mijarê rapirsîyek pêk anî, encamên wê wekî xeternak bi nav kir û got ku ew ê demografiya herêmê biguherîne.
Kûpên axîn ên ku bi destan û ji madeyên xwerisî tên çêkirin, li devera Kobanîyê ji bo dabînkirina avê ji rêwîyan re, li ser rêyan dihatin danîn. Ew çand careke din vegerîyaye, û gundîyên başûrê Kobanîyê dîsa wan bi kar tînin.
Li bajarê Qamişlo festîvala havînê ya yekem a 5 rojî hîn lidar e ku tê de 300 kompanî û firoşgeh beşdar bûn. Hejmarek hunermend tevlî festîvalê bûn, di nav de jî Dilo Doxan. Raporta Îvan Hesîb bêhtir agahî hene.
CENTCOM ser rewşa girjîyên Rojhilata Navîn û rewşa li tengava Hormuzê û avên deryayî daxuyanî ragihandin. Soran Xatirî ji Wezareta Derve ya Amerîkayê pêzanînên nû radigihîne.
Raportek nû ya pisporên Neteweyên Yekbûyî rewşa xirab a mafên mirovan li Tehranê û serederîya xirab a li dijî kêmneteweyên etnîkî, bi taybetî Kurd û Belûçan, ronî kiriye. Ji bo bêtir agahdarî û pêzanînan, Civaknas Ewîn Mistefazade rewşê dinirxîne.
Wezîrê derve yê Sûrîyê serdana Tirkîyê kir, Qasim Ergun Şirovekarê pirsên siyasî ji Stenbol wê serdanê û rola Tirkîyê û Sûriyê di destpêşxerîya çar deryayan de dinirxîne.
Qanûna Çarçoveyî ya bêçekkirina Partîya Karkerên Kurdistan (PKK)ê di rojeva Tirkrîyê de ye. Roja Pêncşemê Encûmena Asayîşa Netewî ya Tirkîyê kombû. Ozlem Yasak agahîyên zêdetir ser qanûna çarçoveyî dide. Ozlem Yasak agahîyên zêdetir ser qanûna çarçoveyî dide.
Serokê Amerîkayê Donald Trump di peyamekê li ser Truth Social de ragihand ku welat xwedî hejmareke mezin a cebilxaneyê ye, bi taybetî ji hin cureyên çekan. Peyama Serok Trump li hember wan raportan bû ku dibêjin hin Cebilxane di artêşa Amerîkayê de kêm bûne.
Komîteya Dadwerî ya Civata Senatorên Amerîkî civînek taybet ser rewşa qedexkirina Îxwan Mislimîn encam da. Merîwan Heme ji Kongresê pêzanînên zêdetir radigihîne.
Hevpeymanîya Rêveberîya Dewletê, roja Pêncşemê li Bexda cîvînek pêkanî ku Serokatîya hersê desthilatan beşdar bûn û biryarên giring yên derbarê ewlehî, aborî û çekên li derveyî kontrola dewletê standin.
Serokê Amerîkayê Donald Trump got, "Îraniyan dixwestin bi em re biaxivin, û min qebûl kir. Wisa dixuyê ku hevdîtin baş dimeşin."
Çar berpirsên ewlehiyê û serokê rêveberîya trafîkê yê Kerkukê, tevî çend karmend û berpirsên din ên saziyên hikûmetê, bi tohmeta gendeliyê hatine girtin û binçavkirin.
