US Agency for Global Media
News and Information from Around the World
Select a language and narrator voice before playback.
Kuştina jineke 32 salî vê dawîyê li Amedê li ser destê hevjînê xwe dîsa dosyaya kuştina jinan li Bakur û Tirkîyê germ dike. Rêxistinên mafên jinan zêdebûna vê diyardeyê şermezar dikin.
Benîştê Kurdî berhemeke xwezayî ye ku li çiyayên Kurdistanê çê dibe. Ew di destpêka havînê de dest pê dike û di meha dawî de tê berhevkirin. Hin gundîyên herêmên cuda debara xwe bi çêkirina benîşt dikin. Raporta Sînor Kerîm bêhtir zanyarî hene.
Sûrîyên xwedî pasportên dîplomatîk êdî dikarin bê vîza derbasî Tirkîyê bibin. Peyamnêrê Dengê Amerîka li Stenbolê Eyyûp Demîr zanyarîyên bêhtir li ser vê mijarê dide.
Şêwirmendê Serokê Tirkîyê Mehmet Uçum dibêje ku piştî temambûna proseya "Tirkîya Bê Teror" divê reformên demokratîk û yasayî yên berfirehtir werin kirin. Ozlem Yasah behsa vê mijarê dike.
Rojnamevanê Dengê Amerîka Sîrwan Qiçço behsa biryara Hikûmeta Demkî ya Sûrîyê ya derbarê terxankirina waneyên bi zimanê Kurdî dike.
Şîrovekarê siyasî Dr. Azad Mihemedyanî ku li Holendayê dimîne di vê hevpeyvîna taybet de li gel Dengê Amerîka behsa kêşeyên di navbera opozisyona Kurdî û Îranî de dike.
Peyamnêrê Dengê Amerîka yê Kongrêsê Merîwan Heme zanyarîyên dawî yên derbarê gotûbêjkirina budceya Federal ji alîyê Kongrêsê ve, dide.
Peyamnêrê Dengê Amerîka li Wezareta derve Soran Xatirî nûçeyên dawî yên girêdayî çalakîyên li wezareta derve û hewlên îzolekirina aborîya Îranê radigihîne.
Payamnêrê Dengê Amerîka yê Koşka Sipî Hîwa Selam behsa nûçe û zanyarîyên dawî yên îro yên Koşka Sipî dike.
Wezareta Perwerdeyê ya hikûmeta demkî ya Sûrîyê biryar da ku zimanê Kurdî wekî zimanekî niştimanî li dibistanên hikûmî û taybet, li herêmên ku rêjeya Kurdan lê mezin e, were xwendin. Raporta Îvan Hesîb bêhtir agahî hene.
Serokê Sûrîyê yê demkî Ehmed Şeri’ Fermandarê berê yê Hêzên Sûrîya Demokratîk Mezlûm Ebdî wek şêwirmendê serokatîya komarê destnîşan kir. Ev biryar di nava kolan û partîyên siyasî yên Kurdî de nêrînên cuda derxistin pêş. Raporta Emced Kurdo ronî dide ser vê mijarê.
Bi sedan parçeyên şûnwarî yên gundê Şêranê yê dîrokî yê herêma Kobanîyê di navbera Sûrîyê û Frensayê de belav bûne. Xelkê Şêranê daxwaza vegerandina wan parçeyan û avakirina muzexaneyeke taybet bi gund dike.
Gelek ciwanên Kurd li herêmên Kurdên Sûrîyê dixwazin bi şêweyên cuda xizmeta civakên xwe bikin û hewil didin bi rêya medya civakî bala xelkê bikişînin ser mijarên ku ew tê de şareza ne. Delîl Silêman bi çend ciwanan re axivî û raportek amade kir.
Bexda îro di qonaxek hestiyar û çarenûsaz de de ye. Ji ber ku Amerîkayê li hemû welatên ku bazirganiyê bi Îranê re dikin gef xwarin, Îraq yek ji welatên ku herî zêde têkilîyên aborî bi Îranê re hene. Semîra Elî Mendî qala astengî û zehmetiyên di rêya Îraqê de dike.
Koşka Spî, roja Pêncşemê di daxuyanîyekê de ragihand ku niha di navbera Amerîkayê û Îranê de tu danûstandinên çalak û nû tune ne. Hîwa Selam li ber avahîyê Koşka Spî qala daxuyaniyên nû yên rêveberîya Amerîka dike.
Karbidestên Hêzên Deryayî yên Amerîkayê ragihand ku keştîya firokhilgir USS Theodore Roosevelt, bi tîmeke ji nêzîkî 5 hezar kesan, dê di hefteyên pêş de bi erk ber bi Rojhilata Navîn ve biçe. Soran Xatirî li ser dorpêç û sizayên aborî yên Amerîkayê yên nû li dijî Îranê pêzanînên zêdetir radigihîne.
Piştî Fermandarîya HSDê biryara hilweşandina xwe da, niha çav li ser çarenûsa Yekîneyên Parastina Jinê YPJ'ê ne. Îvan Hesîb ji Qamîlo zanyarîyan derbarê wê pirsê radigihîne.
Berpirsên Tirkîyê piştî ku Hêzên Sûrîya Demokratîk HSDê li Sûriyê biryara xwe hilweşandinê da daxuyanîyên cuda ragihandin. Tirkîye pêngava hilweşandina HSDê baş dibîne. Ozlem Yasak Pêzanînên zêdetir dide.
Li bajarê Amûdê, Dêra Mar Elyas hîn jî di nav kolanan de hazire, daku dîroka Kristiyanan li vî bajarî zindî bihêle. Ev dêra ku di sala 1927'an de hatibû avakirin, ne tenê cihê perwerdeyê û olparêzîya Kristyanan ne, lê ew dibe şahida pêkvejiyana civakên li herêmê.
Hêlîn Hemê, keçeke Kurd a 22 salî ji bajarê Amûdê ye, wê dest bi projeyek perwerdehiyê ya ji bo ajokarên jin kiriye. Wê heta niha bi dehan jin fêrî pîşeya ajotina otombîlan kirîye.
