US Agency for Global Media
News and Information from Around the World
Select a language and narrator voice before playback.
Simaqa devera Zêbarî li Akrê ya Herêma Kurdistanê ne tenê behemeke çandinî, bazirganî, û aborî ye, belê ew beşeke ji nasname û kultûra deverê. Lê Îsal berhema simaqê kêm bûye. Raporta Rêjîn Ehmed bêhtir zanyarî hene.
Serokê Amerîkayê Donald Trump di peyameke tund de ku li ser hesabê wî yê fermî yê Truth Social hate weşandin, destpêkirina "operasyona aborî ya herî kujer" a dîrokê li dijî Komara Îslamî ya Îranê ragihand. Semîra Elî Mendî bêhtir zanyarî hene.
Rûniştvanekî navçeya Erbet a parêzgeha Silêmanîyê ji ber qelewbûnê û nexweşîyên cûrbicûr di rewşeke tenduristîya nebaş re derbas dibe û rewşa darayî ya xerab rê li ber çareserîyan girtiye. Raporta Diyar Cemal ronî dide ser çîroka wî.
Hunermendê Kurd Orhan Onuk di pêşengeheke şêwekarîyê de li Stenbolê bi firçe û behreya xwe bala serdaneran dikişîne. Onuk dibêje ku ew xeyalên xwe yên welêt bi wêneyan ji nû ve vedijîne. Raporta Eyyûp Demîr ronî dide ser vê pêşangehê.
Di werza havînê de û bi bilindbûna pileyên germê re, çemê ku çavkanîya jiyanê bû li bajarokê Tirbespîyê, îro bûye metirsîyeke mezin li ser jiyana welatîyan ji ber avêtina gilêş û çopê li nava çem. Raporta Delîl Silêman bêhtir agahî hene.
Li bajarê Qamişlo, tevgera avakirinê û weberhênana aborî di van demên dawî de guhertineke berbiçav dibîne. Bi destpêkirina projeyên mezin ên bazirganî û niştecîbûnê, bajar derbasî qonaxeke nû ya geşepêdana avakirinê dibe, ku armanca wê nûjenkirina binesazîyê û afirandina derfetên kar e.
Tevî mercên ewlehîyê yên dijwar, xwendekara Kurd Rozêra Cewher a ji bajarê Hesekê amadekarîyan dike ku projeya xwe ya derçûnê di teknolojîya endazyarîyê de li Zanîngeha Şamê pêşkêş bike. Ew tekane xwendekara Kurd e di nav 200 xwendekarên beşê Hişberîya Çêkirî de ku bi zîrekîya xwe balê dikişîne.
Hikûmeta Amerîkayê budeyek mezin ji bo weberhênanû hilberîna çek û alavên leşkerî vediqetîne û bi sê kompaniyên mezin re bi milyaran dolar girêbest îmze kirine.
Qanûna Çarçoveyî di rojnama resmî de hate weşandin, ji vir û pêda piştî lêkolînê dê raportek were amadekirin û pêşkêşî Lijneya Ewlekarîya Netewî were kirin. Hiqûqnas biryardayîna Lijneya Ewlekarîya Netewî hiqşqî nabînin.
Mîrgehên Erebî yên Yekbûyî piştî gefên mûşekî hemû danûstandinên bazirganî û darayî yên bi Îranê re rawestandin. Rayedarên Amerîkî jî dibêjin, ew ê fişarên aborî li ser Îranê zêdetir bikin.
Li Qamişlo, Stûdyoya El-Zehra, yek ji kevntirîn stûdyoyên wêneyan e, tevî pêşketina teknolojiya nûjen hîn jî bîranînên zêdetirî 40 salan diparêze. Bi boneya Roja Cîhanî ya Fotografiyê de, Emced Kurdo ev raport amade kiriye.
Li sînorê devera parêzgeha Duhok û Îdareya Serbixwe ya Zaxo 341 gund ji ber pevçûnên berê yên di navbera PKKê û Tirkîyê de hatbûn valakirin. Niha berê gundîyan li serkeftina pêvajoya aştiyê ye da ku vegerin ser mal û warên xwe. Xetab Omer ji gundê Şeraniş yê çolkirî û ev raporte.
Baskê siyasî yê Îranê, bi rêya Wezîrê Derve Ebas Eraqçî, êrîşê red kir, lê Pasdarên Îranê li ser vê mijarê bêdeng man. Çavkaniyek hikûmetê jî ji VOA re got ku guman tune ye êrîş ji hêla Îranê ve hatiye kirin. Serokwezîrê Iraqê êrîş şermezar kir.
Li navenda taxê Eynkawe yê li Hewlêr festîvalek tirî hate lidarxistin ku tê de 52 cûreyên cûda yên tirî hatin pêşandan. Raporta Diyar Cemal qala serbora serkeftî ya cotkarên krîstîyan dike.
Serokomarê Tirkîyê qala aştiya li Tirkîyê kirbû û got ku Kurdên Sûrîyê dê para xwe ji aştîya li Tirkîyê bigirin. Nivîskar Şivan Îbrahîm ser mijarê diaxive.
Grûpên çekdar li Îraqê dibêjin, mercên wan hene bo radestkirina çekdan, di nav de divê hemî leşkerên biyanî bi şêwrmend û Çavdêr ve derkevin û hin ji wan dibêjin divê Pêşmerge jî çekên xwe radestî dewletê bike. Huner Ehmed ji Hewlêr zanyarîyan dide.
PDK li Washington DC semînerek li ser pêşeroja Îranê, rola Kurdan di pêvajoya veguheztina demokratîk de, mafên gelên Îranê û rola siyaseta Amerîkayê encam da. Hejar Birincî, Nûnerê PDKI li Washington qala çalakîyê dike.
Piştî ku qanûna çarçoveyî ku ev demeke di rojeva Tirkîyê de ye di rojnameya fermî ya dewletê de hat weşandin, niha çav li ser pêkanîna wê qanûnê ye. Eyyûp Demîr ji Stenbolê agahîyên zêdetir dide.
Qamişlo yek ji wan bajarên Kurdan e ku di nava kolanên xwe de dîroka bihevre jiyanê ya pêkhateyên cuda tomar kiriye. Nivîskar Faris Osman di 100 salîya bajêrê Qamişlo de, qala dîroka avakirin û rewşa jiyana xelkê bajêr dike.
Raporteke Wall Street Journal dibêje ku piştî 60 rojan ji îmzekirina peymana lihevtêgihîştinê di navbera Amerîka û Îranê de, girjî zêde dibin û bawerîya rêveberiya Amerîkayê bi Îranê re kêm dibe.
