US Agency for Global Media
News and Information from Around the World
Select a language and narrator voice before playback.
Select a language for this clip.
Hin Hêzên Artêşa Îraqê ji firokxaneya Hilêwe û li derora kerkukê û nêzî Toz Xûrmato vekişyan, di demekê de ku piranîya xelkê Îraqê nîgeranin ji ber vekişîna Hêzên Hevpeymanîya Navnetewî ji wî welatê wan. Raporta Sînor Kerîm ji Silêmanîyê.
Bi nêzîkbûna vekişîna hêzên hevpeymaniya navneteweyî re, Îraq ji bo qonaxek nû xwe amade dike. Karox Xoşnaw, Serokê Enstîtuya Lêkolînê ya Amerîkî li Herêma Kurdistanê vê mijarê dinirxîne.
Herêma Kurdistanê bi xwezaya xwe ve, yek ji herêmên herî baş û guncaye ji bo xwedîkirina mêşên hingiv. Raporta Sînor Kerîm pêzanînên zêdetir dide.
Li bajarê Qamişlo pêşangehek bi navê "Arşîva Civaka Êzîdî" hate lidarxistin bi mebesta danasîna pêkhateyên bajêr bi dîrok û çanda Êzîdîyan.
Ligel nêzîkbûna vekişîna tevahî ya hêzên hevpeymaniya navneteweyî, Îraq ji bo qonaxeke nû xwe amade dike. Nîgeranî heye ku rewşa ewlehîyê li Îraqê were guhertin. Raporta Diyar Cemal vê mijarê ronî dike.
Xortê Kurd Ozcan Aksu di zindaneke Tirkîyê de jiyana xwe ji dest daye û mirina wî ya piştî 14 rojan ji girtinê pirsên cidî li ba xwedîyên wî derxistine pêş. Desthilatdaran sedema mirina wî negotîye û bavê wî jî dibêje nîşanên êşkenceyê li ser laşê wî hene. Raporta Eyyûp Demîr bêhtir agahî hene.
Aljîn Mislim keçeke 16 salî ye ku piranîya jiyana xwe li derbiderîyê qedandîye. Niha ew li bajarê Kobanîyê dixwaze bi rêya muzîkê hêvîyên xwe û derbiderên din geş bike.
Sînor Kerîm ji Herêma Kurdistanê pêzanînan derbarê êrîşên berdewam ên dron û mûşekan li Ser Herêma Kurdistanê û dîtina sê gorên bikom li Mûsilê radigihîne.
Piştî ku Parlamentoyê bi 467 dengan qanûna çarçoveyî pejirand ew, Tirkîyê dest bi amadekarîyên qonaxa din ya qanûna çarçoveyî kir. Ozlem Yasak mijarê zêdetir zelal dike.
Navenda Metro ji bo Parastina Rojnamevanan li Herêma Kurdistana Îraqê, dengên cuda di panelekê de li Hewlêra paytex kom kirin ji bo gotûbêjkirina şêwazên ku tê de medyaya Kurdî di dema pevçûnên navxweyî de bi awayekî profesyonel û bêalî bixebitin. Raporta Diyar Cemal agahîyên bêhtir hene.
Xwezaya ciwan a havîngeha Gelîyê Şêrane di navbera çiyayên bilind ên devera Amêdîyê de, di werza germ a havînê de dibe meqseda geştîyaran ji seranserî Îraqê. Raporta Rêjîn Ehmed zanyarîyên bêhtir hene.
Êrîşên dijî derbiderên Serê Kanîyê bûn cihê nerazîbûneke berfereh ji alîyê welatî û alîyên siyasî yên Kurdên Sûrîyê ve, di nav de jî Meclîsa Sûrîya Demokratîk(MSD) û Encûmena Niştimanî ya Kurdî li Sûrîyê(ENKS). Raporta Emced Kurdo bêhtir agahî hene.
Piştî biryara Hikûmeta Îraqê ya kontrolirina çekan di destê hikûmetê de, pirsa çekdarên Şigalê derdikeve pêş. Hin Berpirs û kesayetîyên Şingalê dibijin pêwîst e ev hêzên çekdar bibin beşek ji hêzên fermî yên Îraqê. Raporta Xetab Omer zanyarîyên bêhtir hene.
Parastina navend û cihên Êzdîyan li Rojava di van salên dawî de bûye pêwîstekê ji bo piranîya endamên civaka Êzdî. Ew li Sûrîyê dixwazin ku mafên wan di destûra welêt de werin parastin. Raporta Delîl Silêman bêhtir zanyarî hene.
Li parêzgeha Helebçe ya Herêma Kurdiustana Îraqê, weke hemû parêzgehên Îraq û Herêma Kurdistanê, rêjeya bêkarîyê di nava rêzên gêncan de bilind e. Raporta Ferhan Hawramanî agahîyên bêhtir hene.
Mozexaneya niştimanî ya dîrokî ya Smithsonian li Washingtona paytext bi pêşangeheke taybet a dîrok û çanda welêt, salvegera 250 salîya serxwebûna Amerîkayê pîroz kir. Fatima Sindî raportê dixwîne.
Li bajarê Mîlano yê Îtalyayê, Xezal Koyuncuer, Kurda Anatolyayê ku bo salên dirêj karmenda sendîkaya Karkerên Mîlano ye, bi Dengê Amerîka yê re serbora xwe ya derbarê rewşa kar û karkarên Kurd ên li wî welatî parve kir. Raporeta Hemîd Mistefa ronî dide ser çîroka wê.
Piştî ku hejmarek malbatên Kurd roja Duşemê vegerîyan ser mal û warên xwe li Serê kanîyê rastî êrîşên hin kes û grûpên tundrê hatin. Emced Kurd ji herêmê agahîyên nû radigihîne.
Bi 467 dengên erê qanûna çarçoveyî di meclisa Tirkîyê de hate pejirandin û derbas bû. Ozlem Yasak hûrgiliyên dengdanê û qonaxa piştî dengdana ser qanûna çarçoveyî behs dike.
Roja Duşemê Qanûna Çarçoveyî ya bêçekkirina PKKê li Parlemana Tirkîyê bû, dengdan pêkhat, bi piranîya dengên endaman qanûna hat derbazkirin. Eyyûp Demîr ji Stenbolê pêzanînên zêdetir radigihîne.
