Bessent Dibêje Cezayên Nû li Dijî Îranê û Hevkarên Wê bi Rê de Ne

Wezîrê Xezîneya Amerîkayê Scott Bessent îro Çarşemê ragihand ku dibe ku kompanîyên firokan, sektora deryayî û pereyên dîjîtal bibin armancên nû yên cezayên Amerîkayê. Wezîr Bessent di hevpeyvînekê de ligel kanala Fox News, piştî civîna G20 a vê hefteyê ya li Karolînaya Bakur, li ser piştgirîya Rûsyayê ya ji bo Îranê hat pirsîn û hişyarî da hemû kesî ku piştgirîya rejîma Îranê nekin. Bessent ji Fox News re got "Peyama min ji bo hemû kesî ev e: Xwe jê dûr bixin. Em hemû dixwazin ev şer bidawî bibe, û herî lez rêya qedandina vê alozîyê ew e ku ti kes ti piştgirîyê nede vê rejîmê." Ev hişyarîya Bessent rojek piştî wê yekê hat ku Serokê Rûsyayê Vladimir Putin piştgirîya xwe ya ji bo Îranê ragihand.